Klubi i Juventusit i ka uruar fillim të mbarë të evropianit mesfushorit Sami Khedira, para ndeshjes së djeshme të Gjermanisë kundër Ukrainës. Dëshira ishte e mirë, por e shprehur në mënyrën e gabuar.
Në postimin në Twitter, prapa lojtarit ishte flamuri i gabuar. Ngjyrat ishin korrekt, e zeza, e kuqja dhe e arta, por në renditjen e gabuar, që e bënin atë flamurin e Belgjikës. Në flamurin gjerman, renditja është si në përshkrimin e mësipërm, ndërsa në atë belg e arta vjen pas të zezës, më pas e kuqja.
Ngjashmëri që të bën të ngatërrohesh lehtë, por në web ka pasur mjaft komente, sigurisht edhe nga Gjermania, ku nuk ka kaluar pa u vënë re.
“Ndoshta e kanë bërë me qëllim, në këtë mënyrë postimi do të ripostohej miliona herë”, ishte një koment.
“Gjetje e bukur, në këtë mënyrë kanë uruar dy skuadra fituese. Gjermaninë dhe Belgjikën, e cila do t’i mundë italianët”, shkruan një tjetër.
E rëndësishme është që gjithçka ka kaluar me humor, pa kaluar në nacionalizma pa kuptim që ngrenë kokë në të tilla raste.
D.I.
