Drejtori sportiv i Juventusit, Fabio Paratici, ka udhëtuar drejt Gjermanisë, ku ka hapur bisedimet me klubet e dy lojtarëve, për të cilët bardhezinjtë janë të interesuar. Bëhet fjalë për Mahmoud Dahoud i Borussia Moenchengladbach dhe Leon Goretzka të Schalke 04. Të dy janë mesfushorë të rinj e të talentuar, me kontrata që skadojnë më 2018.
Dahoud nuk do të transferohet në janar, por në fund të sezonit hyn në fuqi klauzola e lirimit me një shifër pak më të lartë se 10 milionë euro. Juventus dëshiron ta zgjidhë që tani çështjen, pasi për lojtarin ka interesim nga Liverpool e City.
Ndërkaq Goretzka është lojtari që i ka bërë më tepër për vete vëzhguesit e Juventusit, që donin ta merrnin gjithashtu që në janar. Por edhe në këtë rast qëndron rreziku anglez, aq më tepër që një nga admiruesit personalë të mesfushorit të Gjermanisë është vetë Pep Guardiola, i cili e ndjek prej kohësh.
d.i.
