Juventus është skuadra që ka inkasuar më tepër fitime në pesë vitet e fundit në Champions dhe Europa League, duke lënë pas gjithë klubet angleze, gjigantët spanjollë dhe Bayern Munih.
Sipas një studimi të UEFA-s, publikuar sot nga La Repubblica, të ardhurat totale të Juventusit (nga shpërblime për rezultatet plus të drejtat TV) janë 281 milionë euro, katër milionë më tepër se Real Madrid, që në këtë fragment kohor ka fituar dy Champions League dhe tri gjysmëfinale. Me 25 milionë euro më pak është Bayern, me një fitore në Champions League, një finale të humbur e tri gjysmëfinale, 28 më tepër se Chelsea (1 fitore në Champions), 35 më tepër se Barcelona (fituese e dy Champions) dhe plot 104 milionë euro më tepër se Atletico Madrid, fitues i Europa League e dy herë finalist i Champions League.
Edhe pse Juventus ka arritur vetëm një finale në Champions League në këto vjet, më 2015, ku është mundur nga Barcelona, pjesa më e madhe e të ardhurave vjen nga të drejtat televizive, kombinuar me rezultatet e dobëta të skuadrave të tjera italiane. Eliminimi i vazhdueshëm i të tjerave ka bërë që Juventus të mos e ndajë përfitimin e të drejtave televizive me dy skuadra të tjera por vetëm me një, ndërkohë që krejt e kundërta ka ndodhur me klubet spanjolle, përherë të pranishëm me të paktën tri skuadra në raundet me eliminim në Champions League.
d.i.
Juventus, klubi me më tepër fitime në Champions në 5 vitet e fundit
