Në verë do të ketë ndryshime tek Juventus. Një sërë lojtarësh mund të largohen për të iu lënë vendin prurjeve të reja, gjithsesi Cristiano Ronaldo ka nevojë për një sulmues zone që do e ndihmonte atë.
Edhe Andrea Pirlo, për “Sky Sport” tha se Juventus duhet të blejë një sulmues që të mbështesë Ronaldon, sipas tij Mandzukic nuk mund ta bëjë këtë.
Objektivi madhor Juventusit është Mauro Icardi, por “Calciomercato” ka bërë me dije se nëse nuk arrihet tek argjentinasi, atëherë do të tentohet Romelu Lukaku.
Sulmuesi belg është projektuar për t’u larguar nga Manchester United dhe Inter e ka konsideruar prej kohësh afrimin e tij, pas shitjes së Icardit. Gjithsesi tani duhet të ndeshin edhe konkurrencën e kampionëve të Italisë për të marrë shërbimet e sulmuesit.
/telesport
