Trajneri i Liverpoolit, Jurgen Klopp, e ka përshkruar si të çmendur derbin me Evertonin, të cilin Liverpooli të hënën e fitoi me rezultat 1 me 0.
“Të Kuqtë” fituan në derbin e qytetit falë golit të Sadio Manes në minutat shtesë.
“Të shijosh nuk është fjala e duhur – ishte ndeshje shumë intensive dhe merituam fitoren. Gjëja më e mirë është fitorja në net të tilla dhe sheh se sa të lumtur janë fansat tanë. Nuk mbaj mend asnjë rast të Evertonit.
Ata luanin futboll të çmendur, na ndiqnin gjithandej dhe ishte e vështirë të luash ndaj këtij sistemi. Në fillim e kishim të vështirë, por tani jemi më të mirë”, ka thënë Klopp pas takimit për “SkySports”, transmeton koha.net.
Liverpooli tani është i dyti në tabelë me gjashtë pikë prapa liderit Chelsea. (b.an)
