Zyra e shtypit e kryeministrisë publikoi sot axhendën e vizitës në datën 14 shkurt të Sekretarit amerikan të Shtetit John Kerry, në Tiranë.
Sipas njoftimit për shtyp, sekretari Kerry do të mbërrijë në Kryeministri në orën 10.10, për t’u takuar fillimisht me ministrin e Punëve të Jashtme Ditmir Bushati.
Më pas, do të zhvillohet takimi me Kryeministrin Edi Rama dhe në përfundim të takimit, në orën 11.00, Kryeministri Rama dhe Sekretari Kerry do të kenë deklaratë për shtyp.
I gjithë itinerari i vizitës në Kryeministri të Sekretarit Kerry do të transmetohet live nga televizioni publik shqiptar.
Në orën 9.00 Sekretari amerikan Shtetit, John Kerry do të pritet në Aeroportin Ndërkombëtar “Nënë Tereza” nga Presidenti i Republikës, Bujar Nishani.
