Blerja e votave, një fenomen i pranishëm në çdo proces zgjedhor në Shqipëri, i cili shumë herë është bërë shkak që forca të ndryshme politike të mos njohin rezultate e tyre.
Po, nëse mendoni se është diçka “vetëm e jona” e keni gabim. Një fenomen i tillë duket se ndodh edhe në shtetin fqinjë Italinë. Madje në Itali votat blihen edhe me lire se ne Shqiperi.
Ne Shqiperi shpesh here per nje vote jane paguar edhe 200 euro.
“Le Iene” në Itali ka denoncuar një fenomen të tillë në zgjedhjet e fundit rajonale të Sicilisë.
“Pesëdhjetë euro për një votë”, kaq i është ofruar një gruaje, sipas “Le Iene”, në këmbim të votës për kandidatin e Forza Italia, Antonio Castro, aktualisht këshilltar në komunën e Acireales.
Në emision shfaqet gjithashtu një listë votuesish të tjerë të cilëve iu janë ofruar para në këmbim të preferencës për kandidatin e Forca Italia. Castro, të cilit i është treguar më pas videoja, pretendon se nuk ka dijeni për shitje-blerje votash në favor të tij.
a.ç
