Kualifikimi i Partizanit në raundin e tretë të Ligës së Kampioneve është një bonus i madh ekonomik për arkën e klubit.
Vitet e fundit, UEFA ka vendosur të rrisë ndjeshëm shpërblimet për sukseset në kompeticionet kontinentale për të ndikuar edhe në rritjen e cilësisë së këtij sporti.
“Demat” kanë siguruar të paktën 1 milion euro nga paraqitja e tyre në Europë, por që kanë shansin ta shumëfishojnë atë, në varësi të paraqitjes që do kenë, transmeton Panorama Sport. Ky është minimumi i mundshëm që mund të përfitojnë. Për të qenë më të saktë në përllogaritje:
300 mijë euro – i përfituan nga pjesëmarrja në raundin e dytë të Ligës së Kampioneve.
400 mijë euro – i përfituan me kualifikimin në raundin e dytë të Champions-it, pasi eliminuan hungarezët e Ferencvaroshit.
220 mijë euro – i siguron nëse eliminohet në raundin tjetër, por automatikisht merr pjesë në fazën e tretë të Ligës së Europës, duke përfituar edhe këtë shpërblim financiar.
Dëmshpërblimi
UEFA pritet t’i kompensojë klubit të kuq edhe të gjitha shpenzimet sa i përket pjesëmarrjes në Ligën e Europës, ku përfshihet edhe udhëtimi në Bratislavë, ku ndeshja ndaj Slovanit u anulua. Një ndryshim planesh, i cili në fakt erdhi si pasojë e vendimeve të UEFAs dhe jo prej klubit shqiptar.
shpërblimet e tjera
Partizani ka të siguruara 920 mijë euro, në rast se eliminohet nga austriakët e Salzburgut. Por, në një mrekulli që do u jepte kualifikimin ndaj tyre, do të nënkuptonte pjesëmarrje në fazën “play-off” të Champions-it, e cila ka një shpërblim prej plot 3 milionë eurosh./a.m.
