Si shkak i reshjeve të dëborës që kanë përfshirë vendin në ditët e fundit, nuk kanë qenë vetëm akisdentet automobilistike si incidente të shënuara.
Dëmtime ka pasur edhe për këmbësorët, të cilët kanë rrëshqitur në tokë si pasojë e ngricës.
Deri më tani, nga rrëshqitjet në borë janë regjistruar 76 raste në spitalin e Traumës. Profesor Agron Dogjani bën me dije, se nga 10 të shtruarit në spital 2 janë me fraktura në kokë.
“Kryesisht të lënduarit kanë fraktura në këmbë dhe rreth 90% e tyre janë të moshës mbi 40 vjeç. 10% e incidenteve kanë ndodhur jashtë qarkut të Tiranës,” tha ai bën me dije BalkanWeb. Gjithashtu Dogjani bën me dije se është dyfishuar personeli në gadishmëri të të lënduarve në këto ditë të ftohta./a.m.
