Kryeministri Edi Rama, në fjalën e tij nga pallati i sportit në Athinë, i cili është mbushur me më shumë se 6 mijë shqiptarë, të gjithë të veshur kuqezi, tha se jo të gjitha dallimet janë sheshuar.
Rama: Jo të gjitha dallimet janë sheshuar, jo gjithnjë gjërat shkojnë siç duhet për të gjithë e di që hijet e përbuzjes përmes ndonjë dore apo goje të së shkuarës në rrugën të hapur me forcën madhështore të shekullit, koha e shqiptarëve të Greqisë nuk kthehet më mbrapsht. Jo vetëm shoqëria greke pjesa më e madhe e së cilës falë ndjeshmërisë të këtij populli që ngjajnë si dy pika me tonin që në fillim të odisesë suaj heroike, vendimmarësit e këtij vendi e kanë të plotë vetëdijen se Greqia ka nevojë për ju njësoj sic ju keni nevojë për Greqinë, shqiptarët e Greqisë janë bërë të pazëvendësueshëm, kush kundërvihet kësaj të vërtete i bie me kokë pasqyrës sheh vetëm veten, miqtë e mi kufijtë mes vendeve tona kanë qenë gjithmonë politikë, që elita të caktuara i kanë vënë për qëllime herë për të ushqyer delirin e madhështisë, herë duke ndalur me dhunë, herë duke ushqyer urrejtje, probleme të jashtme, por asnjëherë duke llogaritur dëme dhe shanse të humbura nga ndarja e popujve të rritur si dy fëmijët të rritur pranë e pranë.
