Kadastra Shqiptare ofron tashmë 62 shërbime online në e-Albania, për të cilat nuk është e nevojshme për të shkuar më në sportele.
Kjo u mundëson qytetarëve që të mos humbasin më kohë nga dita e tyre për të marrë një shërbim pranë zyrave të Kadastrës.
Agjencia Shtetërore e Kadastrës ka publikuar një video informuese ku tregohen hapat që duhen ndjekur:
Kështu qytetari pasi futet në faqen e-Albania shkon tek e-shërbime, ku ndodhet lista e shërbimeve elektronike sipas institucioneve. Aty gjendet Agjencia Shtetërore e Kadastrës, ku renditen të gjitha shërbimet online që ofron kjo Agjenci.
Nëse futesh tek seksioni i aplikimeve për lëshim vërtetimi, nevojitet fillimisht të krijohet një aplikim i ri. Më pas përzgjidhet ZVRPP teke cila drejtohet kërkesa. Pas kësaj plotësohen të dhënat e aplikantit, më pas të dhënat e përfaqësuesit, të dhënat e pronës.
Pas kësaj zgjidhet shërbimi që kërkohet, ngarkohen dokumentet që kërkohen nga aplikanti. Përpara se ta dërgojë aplikanti ka mundësi të shohë përmbledhjen e kërkesës së tij, të cilën më pas e konfirmon dhe e dërgon. /e.s/
