Nga Shkodra, eurodeputetja Inese Vaidere komenton JO-në e Europës për Shqipërinë dhe Maqedoninë e Veriut, duke u shprehur optimiste për të ardhmen.
“Sipas meje Ballkani është duke ecur në rrugën e duhur dhe sigurisht do të keni një drite jeshile në të ardhmen, por nuk mund të them se kur do të ndodhë kjo. Gjithësesi nuk duhet të pushoni së punuari në kuadër të reformave, përmirësimit të situatës në vend dhe të forcimit të sundimit të ligjit. BE sigurisht që është një organizatë e rëndësishme dhe demokratike. Në momentin që niveli i demokracisë do ti afrohet nivelit të demokracisë së BE, normalisht që jeni të mirëpritur. JO-ja nuk ishte vendim i Parlamentit Europian dhe nuk kam çfarë të shtoj më tepër”, deklaroi Vaidere.
Vaidere komentoi edhe krimet e komunizmit duke theksuar se Shqipëria duhet të llogarisë dhe ballafaqojë shifrat e viktimave të komunizmit.
“Kjo ekspozitë është e jashtëzakonshme, këto janë fytyrat e vuajtjeve të komunizmit dhe unë do ti marr me vete dhe do ti dërgoj në Parlamentin Europian”, tha ajo.
g.kosovari
