Presidenti i Komisionit Evropian, Jean-Claude Juncker shprehu shqetësimin e tij pas “jo-së” së holandezëve, në referendum për marrëveshjen e bashkëpunimit midis Ukrainës dhe Bashkimit Evropian, njoftoi sot një zëdhënës i institucionit.
“Presidenti është i dëshpëruar”, u shpreh zëdhënësi, Margaritis Schinas, gjatë një konference shtypi.
Për sa i përket pasojave nga rezultati i votimit, tashmë kjo është një çështje që i takon qeverisë holandeze pasi të analizojë rezultatet dhe të vendosë për hapin që do të ndjekë më pas”, pohoi ai.
“Në bazë të legjislacionit holandez ky është një referendum konsultativ, dhe procedurat e brendshme të ratifikimit do të varen nga kompetenca kombëtare”, shtoi Schinas.
Presidenti Juncker u takua dje në mbrëmje me kryeministrin holandez, Mark Rutte dhe me presidentin e Parlamentit Evropian, Martin Schulz.
