Edhe diplomatët e BE-së para disa ditësh ishin pothuajse të sigurt se në Kosovë, menjëherë pas zgjedhjeve presidenciale në Serbi, do të ketë zgjedhje të jashtëzakonshme, dhe atë para kësaj vere.
Përshtypjet e tilla, siç i kanë thënë “Kohës Ditore” disa diplomatë në Bruksel, me të cilët kemi biseduar, ishin krijuar për shkak të insistimit të presidentit Thaçi dhe PDK-së që të krijohet Ushtria e Kosovës, gjuha kritike e tyre ndaj BE-së për shkak të dështimeve të liberalizimit të vizave, ndryshimi i shpejtë i gjuhës që partnerët PDK dhe LDK përdorin për njëri-tjetrin, si dhe aktivitetet e shefit formal të PDK-së, Kadri Veseli, i cili, edhe pse në cilësinë e kryetarit të Kuvendit, dukshëm vepron sikur tashmë është në fushatë zgjedhore. (b.an)
