Partia Demokratike akuzoi dje prokurorin Gent Osmani, njëkohësisht edhe anëtar i Këshillit të Lartë të Prokurorisë, se është i përfshirë në veprimtari inkriminuese.
Ish-deputeti Ervin Salianji deklaroi përpara zyrave të KPA, ku dorëzoi një CD me të dhëna përgjuese, se prokurori Osmani nuk duhet që të kalojë procesin e vetingut, për shkak të bisedave të tij me elementë kriminalë si Alfred Alizoti.
Në një bisedë të përgjuar, që u publikua dje përmes një videoje, dëgjohet biseda që zhvillohet mes prokurorit Osmani dhe Alfred Alizotit. Në këtë bisedë, gjithnjë sipas opozitës, Osmani flet me Alizotin për çështje pune dhe i thotë se duhet të jetë në zyrat e tij në orën 10:00.
Për Salianjin, një bisedë e tillë dëshmon qartë inkriminimin e prokurorit Osmani dhe sipas tij, KPA jo vetëm që duhet të mos e kalojë Osmanin në veting, por ai duhet që të hetohet për “shpërdorim detyre”.
Lidhur mbi këto akuza, CNA.al, kontaktoi prokurorin Osmani i cili tha se përgjimet janë pjesë e dosjes dhe se në bisedë nuk ka asgjë miqësore, ndryshe nga sa pretendon PD.
“Në mënyrë absolute nuk ka asgjë miqësore, madje nëse do i referoheshim bisedave të më poshtme që janë bërë me personin, ne aty dhe shahemi me një fjalor aspak të përshtatshëm.
Biseda ime është vetëm kjo që është transmetuar dhe unë kam qen në dijeni të personit që po më merr në telefon”, tha Osmai.
Përgjimi i publikuar nga PD
Gent Osmani: Po.
Fredi Alizoti: Përshëndetje, Genti?
Gent Osmani: Po.
Fredi Alizoti: Fredi jam.
Gent Osmani: Urdhëro?
Alizoti: Fredi, Fredi jam, Alizoti.
Alizoti: Si kalon.?
Alizoti: Alo, Genti ti je?
Gent Osmani: Po pra, unë jam. Jo Genti, por prokuror Genti, se s’jam shoku jot.
Gent Osmani: Më thuj.
Alizoti: Na fal.
Gent Osmani: Fredi, je thirr nesër në ora 10 të jesh tek zyrat e mia, dhe duhet të jesh patjetër me dokument identifikimi. Mirë?
Alizoti: Po mund të takohemi në fillim? Po pati mundësi 5 minuta
g.kosovari
