Në emisionin “Shqip” nga Rudina Xhunga ishte e ftuar studiuesja Iris Halili, për të na treguar më tepër lidhur me librin e saj të fundit dhe gjithashtu për jetën që ka ndërtua në SHBA, në Majemi.
Teksa na tregoi nëpëmrjet psikoanalizës profilet e ndryshme të politikanëve këtu dhe në SHBA, ajo foli me shumë dashuri dhe mall edhe për Shqipërinë, që e quajti vendin e saj.
”Në Shqipëri i duan liderët e bukur karizmatikë, të sundojnë ekranin. Një lider si Macron apo si ish-kryeministrja britanike në Shqipëri nuk do mbijetonte. Amerika i do liderët e gjatë, e ka si shoqëri.
Biden është një lider teknokrat. Edhe pse ka përdorur retorikë populiste, nuk është populist. Biden fitoi për dy arsye. Sepse 6 janari tronditi atë pjesën gri të elektoratit që zgjodhi të votojë në një moment të caktuar për Trumpin. Amerikanët e panë që demokracia e tyre vihet në rrezik nga një lider narcizist. Tipiku i liderit narcizist është Donald Trump. Pjesa më e keqe e narcizismit të keq është empatia.
Trumpi ka pjesën e mbështetësve të vet shumë të fuqishme në SHBA, ata që quhen Trumpistë dhe ka shpesh ndryshime të mëdha. Në SHBA, njerëzit, ashtu si kudo janë të lodhur me politikanët. Në fund të fundit atje prevalon interesi ndaj biznesit, për këtë bëhen bashkë ndryhse nga këtu që bëjnë sikur janë të ndarë. Unë mendoj që Amerika po shikon pëe liderë të rinj, me vision të rip or edhe më të rinj në moshë të cilët do t’i sjellin diçka të re.
Atje ka dhe diçka, që sa do i fuqishëm të jesh si lider, shanset për të fituar dy herë janë shumë të pakta. Edhe Tedi Rusvelt, një ndër presidentët e preferuar të amerikanëve, nuk fitoi pas herës së dytë. Shoqëria amerikane e kërkon ndryshimin. Bota e kërkon ndryshimin. Nuk ka liderë të mirë me ndjekës të dobët apo negativë dhe nuk ka ndjekës negativë me liderë të mirë. Janë binom. Ne zgjedhim një nga shoqëria jonë, njërin prej nesh. Ndërkohë lideri nuk është gjë tjetër përveçse përfaqësuesi ynë. Liderët janë fytyra e njerëzve që i zgjedhin.
Edhe pjesëmarrja e grave në politikë është e ulët, për një arsye shumë të thjeshtë. Femrat që suportojnë demrat janë shumë pak. Por nga ana tjetër e kanë dhe të vështirë sepse është një histori e tërë. Gruaja ka qenë gjothmonë seksi i dytë, prapa skenës, ka drejtuar gjithmonë në heshtje. Në momentet që flasim, unë mendoj që koha po flet për femrat sepse me statistika, shkollat më të mira, universitet më të mira dhe përqindjen më të madhe në universitetet me të mira janë femrat.
Dhe kjo tregon që janë e ardhmja. Megjithatë është dobësuar shumë familja sepse të dy prindërit janë në punë. Kjo ka krijuar dhe një gjeneratë që quhet gjenerata Z, që po kalon kaq shumë probleme. Covidi bëri që shumë prindër të punon nga shtëpia dhe të kuptohej sa e rëndësishme ishte prania e një prindi në shtëpi. Tani vetëm 6% e amerikanëve që u vendos të punonin online, pranuan të ktheheshin në zyrë.”, u shpreh ajo./m.j
