Më 1 tetor të vitit 1949, Mao Ce Dun qëndronte triumfues në Portën e Paqes së Përhershme, në sheshin Tianamen të Pekinit, teksa shpalli themelimin e Republikës Popullore të Kinës.
Për atë rast – një rast që do të transformonte jetët e miliona njerëzve – “Lideri i Madh” mbante një këmishë të gjerë, të përthekuar deri në fyt dhe pantallona të gjëra. Kjo veshje së shpejti do të njihej si “veshja Mao”, shkruan “Koha Ditore”.
Veshja mori namin e keq përmes lidhjes së saj me kryetarin, komunizmin kinez dhe vetë popullin, pasi që të gjithë në fund do të fillonin ta vishnin. Megjithatë, veshja Zhongshan (si njihet në Kinë), ishte përdorur për herë të parë nga revolucionari nacionalist kinez, Sun Yat-sen. Ishte ajo alternativë si e veshjes zyrtare perëndimore, ashtu edhe veshjeve të dekoruara Manchu, të përdorura prej perandorit të fundit të Kinës.
Veshja Mao, për dallim prej saj, ishte praktike. Ajo ishte e dizajnuar për ta projektuar një Kinë të re, me vetëbesim. Duke kombinuar elementet perëndimore dhe lindore, ajo shtonte një dozë të fuqishme të militarizmit; shumica e veshjeve ishin blu, të gjelbra apo të hirta…
