Kina bëri një ndryshim të rëndësishëm brenda udhëheqjes së saj politike duke larguar nga detyra ministrin e Jashtëm, Qin Gang.
Ky vendim u mor pas prej gati një muaj, asnjë informacion zyrtar nuk u dha për vendndodhjen e tij.
Ai u zëvendësua nga paraardhësi i tij, Wang Yi, një lëvizje që ka ndezur thashetheme për jetën personale dhe rivalitetet politike midis elitës së Partisë Komuniste të vendit.
Lajmet kombëtare të mbrëmjes, të transmetuara nga televizioni shtetëror CCTV, njoftuan heqjen e Qin pa dhënë ndonjë arsye specifike për vendimin.
Qin nuk është parë në publik gati një muaj para këtij njoftimi dhe Ministria e Jashtme nuk ka dhënë informacione në lidhje me gjendjen e tij.
Gjatë konferencës së saj të përditshme të martën, ministria nuk komentoi largimin e Qin, duke shtuar spekulimet rreth situatës. Shkarkimi i Qin përkon me shqetësimin në rritje të komunitetit ndërkombëtar për politikën e jashtme të Kinës.
Dalja e fundit publike e Qin ishte në një takim me ministrin e Jashtëm të Shri Lankës në Pekin, më 25 qershor.
Fillimisht, Ministria e Jashtme tha se mungesa e tij ka ndodhur për arsye shëndetësore, por e fshiu me shpejtësi këtë referencë nga transkripti i saj zyrtar dhe që atëherë ka thënë vetëm se nuk ka informacione për të ndarë me gazetarët./m.j
