Jenson Button nuk do të jetë pjesë e Formula 1 në vitin 2017, raporton BBC. Përkundër kësaj 36 vjeçari do të vazhdojë të jetë pjesë e McLarenit, por tani në rolin e ambasadorit, transmeton Koha.net.
Kampioni i vitit 2009 do të punojë së bashku me ekipin e McLarenit, dhe është e mundshme që më 2018 të rikthehet përsëri që të garojë pasi ka nënshkruar kontratë dy vjeçare.
Belgu Stoffel Vandoorne do të promovohet nga ekipi rezervë i piloteve që të jetë partner i kampionit të dyfishtë botëror, Fernando Alonso.
Sipas shefit të McLarenit, Ron Dennis kjo situatë është krijuar për t’i mundësuar pushim Buttonit nga sporti, citon Koha. (b.an)
