Ndërkohë që në shumë vende të botës po regjistrohet sezoni i gripit, është mirë që të gjithë punënjësit të marrin masat dhe hapat e nevojshëm për ta mbrojtur veten, por edhe kolegët tyre në vendin e punës.
Një hulumtim ka treguar se rreth 84% e të punësuarve shkojnë në punë, edhe pse janë me grip. Rreth 50% e tyre nuk marrin kurrfarë masa parandaluese për t’i mbrojtur kolegët e tyre, shkruan Telegrafi.
Hulumtimet kanë treguar se kur bëhet fjalë për zyrën, më së shumti baktere fshihen nëpër rubinetet e ujit, derën e mikrovalës, si dhe në tastierën e kompjuterit.
Të gjithë të punësuarit duhet t’i pastrojnë sipërfaqet e pajisjeve të punës, të cilat përdoren edhe nga të tjerët.
Punëtorët duhet t’i pastrojnë duart pas secilit vakt, pasi të kenë lexuar shtypin, si dhe pas përshëndetjes me kolegët.
Për ta shmangur dehidrimin, i cili së bashku me mungesën e gjumit dhe stresin dobësojnë sistemin imun, pranë vetes mbani një shishe me ujë.
Kur ta ndieni se mund të sëmureni nga gripi, konsultohuni me mjekun tuaj për masat shtesë, si të përdorni vitaminat apo zinkun. /e.s/
