Përpjekjet për ta harruar ish të dashurin, mund t’iu përfshijnë në eksperienca aspak të këndshme. Konsulentja e lidhjeve romantike, Ammanda Major për gazetën britanike Independen, ka shkruar një artikull me këshilla se si të tejkalohet një ndarje në mënyrën më të lehtë e me më pak dhimbje.
Të përfundosh një lidhje është diçka e vështirë. Ju konstant do ta pyesni veten “Çka nëse”.
Sipas “Journal of Positive Psychology”, duhen 11 javë që ta rimerrni veten plotësisht nga ndarja. Realiteti është se asnjë person nuk është i njëjtë, prandaj edhe koha që i duhet një njeriu për ta rimarrë veten nga një lidhje e humbur, mund të varet nga shumë faktorë si nga koha sa keni qenë bashkë, nëse keni pasur fëmijë, eksperiencat që keni ndarë dhe nga ajo nëse ju e keni dëshiruar me të vërtetë ndarjen.
Ndonëse rrallëherë e lehtë, është shumë e mundshme që të vazhdoni tutje me jetën tuaj, qoftë nëse ju e iniciuat ndarjen ose jo.
Vajtoni për humbjen tuaj
Çështja kryesore pasi të jeni ndarë me dikë, është të vajtoni për humbjen tuaj. Është shumë e natyrshme që të provoni të kënaqeni e të filloni të provoni menjëherë gjërat e reja. Mirëpo nëse përpiqeni t’ia hidhni paq me vuajtjen, s’do t’ia dilni. Nuk mund ta shmangni vuajtjen.
Rishikojeni situatën
Kushtojini kohë vetës që të reflektoni dhe bëni gjithçka që mundeni për veten. Mund t’ju tingëllojë qesharake, por provoni të gjeni hobi të ri dhe përpiquni që t’i rikrijoni lidhjet me miqtë që ka kohë që s’i keni parë.
Mos kini frikë të kërkoni ndihmë dhe kujtojeni gjithmonë shprehjen, jo kot thuhet që “koha shëron gjithçka”.
