Policia e Shtetit bën me dije se për shkak të reshjeve dhe temperaturave të ulëta është vështirësuar qarkullimi i mjeteve, sidomos në zonat rurale.
Përmes një postimi në Faqen zyrtare në Facebook, Policia e Shtetit këshillon drejtuesit të bëjnë kujdes duke përdorur zinxhirë në rast se nevojiten dhe të rregullojnë shpejtësinë e mjetit.
Gjithashtu policia bën me dije se për çdo rast emergjencë telefononi 112.
Ndërkohë që nga e hëna rinisin edhe reshjet e dëborës dhe shiut në të gjithë vendin.
Njoftimi nga policia:
Temperaturat e ulta dhe reshjet e dëborës këto ditë të para të janarit, kanë vështirësuar jo pak qarkullimin në disa akse rrugore, sidomos drejt zonave rurale në disa qarqe apo në zonat e thella malore.
Shërbimet e Policisë Rrugore, por edhe sherbime të tjera policore, si FNSH apo shërbime të Rendit janë angazhuar ditët e fundit në shumë operacione ndihme e shpëtimi, duke shmangur pasoja fatale për qytetarët.
Policia e Shtetit këshillon çdo përdorues rruge të bëjë kujdes të shtuar, duke përdorur zinxhirë në rast se nevojiten dhe të rregullojnë shpejtësinë e mjetit.
Në çdo rast emergjencë telefono 112!
