Emisioni Java në RTSH, paralajmëroi të premtën se kryeministri Edi Rama do të marrë drejtimin e ministrisë së jashtme. Lajmi u zyrtarizua sot vetë nga kryeministri, i cili njoftoi se do të jetë “de jure” në krye të diplomacisë shqiptare.
“E pakonfirmuar, por së paku dy burime pohojnë se kryeministri Rama ka një zgjidhje për të dalë nga ky ngërç politik dhe krizë kushtetuese, e cila me gjasë nuk kalon nëpëmjet emrit të Genti Cakajt. Ky rast dëshmoi dhe njëherë në mënyrë të habitshme sesa tensione e emocione shpërthen shoqëria shqiptare në përgjithësi në situata përplasjeje sa delikate dhe të personalizuara janë marrëdhëniet dhe raportet mes institucioneve kushtetuese në vend. Sa e papjekur vazhdon të jetë demokracia shqiptare” – theksoi analisti Lorenc Vangjeli në studio.
Vangjeli dhe Preç Zogaj deklaruan se nëse ky version miratohet edhe zyrtarisht, ka gjasë që ministri i ri i Jashtëm të jetë edhe vëtë Edi Rama.
Sot kryeministri njoftoi zyrtarisht se do të jetë në krye të diplomacisë deri në zgjidhjen e ngërçit presidencë-kryeministri, të cilin Rama paralajmëroi ta dërgojë në Gjykatën Kushtetuese.
Javanews/a.cupaj
