Japonia ka bërë protestë formale kundër Kinës për shkak të pajisjeve të radarit ushtarak të instaluara në një platformë nafte e gazi afër ujërave të kontestuar në jug të Detit të Kinës.
Ministria e jashtme e Japonisë tha sot se ka shqetësime se radari tregon se Kina synon përdorim të platformës për kërkime të naftës e gazit për qëllime ushtarake.
Në protestën e Japonisë kërkohet që Kina të shpjegojë funksionimin e radarit, të cilin Tokio e kishte zbuluar në muajin qershor.
Tensionet ndërmjet dy vendeve janë të larta për disa muaj, pasi Kina vazhdon me pretendimet e veta territoriale në rajon, përkundër vërejtjeve të shteteve fqinje.
Muajin e kaluar, gjykata e arbitrazhit në Holandë i ka refuzuar pretendimet e gjera të Pekinit në Detin e Kinës.
Dje, Forcat ajrore të Kinës kanë ndërmarrë një patrullim luftarak në hapësirën e kontestuar, ndërsa 6 anije të rojes bregdetare kineze i përcollën më se 200 anije peshkuese atje.
Tema/d.i.
