Ish-Ministria e Brendshme e Maedonisë, Gordana Jankulovska e cila herë pas here bëhet protagoniste me thëniet e saj anti-shqiptare është një nga njerëzit më të afërt të kryeministrit Nikola Gruevski.
Thirrjete saj për të vrarë shqiptarët, të publikuara ditën e sotme nga opozita maqedonase në përgjimet e kryera, nuk janë të parat.
JavaNews.al sjell një biografi se kush është Jankulovska, ministre e brendshme në 4 mandate të VMRO-së, e cila vetëm pak ditë më parë dha dorëheqjen në valën e largimeve nga posti në shtetin fqinj pas sulmit policor në Kumanovë.
E lindur në 12 tetor të vitit 1975 në Ohër Gordana Jankulovska si për ironi u diplomua në Fakultetin Juridik pranë Universitetit “Shën Cirili dhe Metodi” në Shkup. Ndërsa studimet master i përfundoi në Universitetin Kentskiot të Britanisë së Madhe me një shkallë prej rangut më të lartë. Gjatë studimeve ajo u dalluar në drejtim të ndërsa në korrik 2004, Mbretëria e Bashkuar i jep çmimin për arritje të veçanta në fushën e së drejtës.
Pas kësaj ajo vjen në Maqedoni ku bëhet pjesë e partisë VMRO-DPMNE të kryeministrit Nikola Gruevksi. Gjatë kësaj kohe ajo fiton përvojë në poste të ndryshme në Ministrinë e Financave të Republikës së Maqedonisë.
Më 27 gusht 2006 ajo do të emërohet si Ministre e Brendshme e Maqedonisë në kabinetin qeveritar të Gruevskit. Këtë post ajo do ta mbajë për 4 mandate radhazi të Gruevskit, deri në dorëheqjen e saj pak ditë më parë më 12 maj të 2015.
Gjatë kësaj periudhe kritikat ndaj saj si nga komuniteti shqiptar për drejtësi me dy standarte apo edhe nga opozita nuk do të mungojnë, ku më flagranti është rasti “Monstra”.
Por do të jenë përgjimet e publikuara nga lideri i opozitës Zoran Zaev që do të demaskojnë Jankulovskën dhe urrejtjen e saj për shqiptarët.
Në përgjimet e publikuara në mars të këtij viti, Jankulovska në bisedën me Ministrin e transporteve shprehet se shqiptarët duhet të kapen prej fyti që të mos dalin në zgjedhje. Ndërsa pak ditë më vonë, në një tjetër përgjim ajo do t’i cilësonte shqiptarët si një fis i egër që duhej zhdukur.
Për të arritur në “bombën” e sotme ku ish-ministrja shprehet se shqiptarët duhen shfarosur sa më shpejt.
