Ish-ministrja e policisë maqedonase Gordana Jankullovska kërkon urgjentisht që i gjithë populli të ngrihet në këmbë, me qëllim që Maqedonia të mbrohet dhe t’i jepet fund krizës politike.
Ajo kërkon që qytetarët përmes kundër-protestave masovike të përshpejtojnë mbajtjen e zgjedhjeve parlamentare dhe assesi të mos lejohet shtyrja e zgjedhjeve nga termini i paraparë më 5 qershor.
Sipas Jankullovskës, shtyrja e zgjedhjeve në Maqedoni mund të thellojë edhe më shumë krizën politike e cila e ka kapluar vendin më shumë se një vit.
Ajo këtë e ilustron përmes një broshure propagandistike me titull “Populli është duke u zgjuar”, transmeton Zhurnal.
