Dushan Janjiç nga Forumi për Marrëdhënie Etnike në Serbi, ka thënë se ideja e një “Ballkani të Hapur” nuk do të shuhet. Sipas tij, ka ardhur koha për ta ringjallur, por problemi është Beogradi, raporton Danas.
“Tani para së gjithash, problemi është në Beograd dhe derisa Beogradi të marrë një qëndrim të qartë dhe të harmonizojë politikën e tij të jashtme dhe të sigurisë me BE-në, do të ketë njëfarë mosbesimi në politikën e mbrojtur nga presidenti serb Aleksandër Vuçiç, si një nga liderët e nismës “Ballkani i Hapur”.
“Vuçiç në dy vitet e fundit e detyron rajonin paralelisht dhe në të njëjtën kohë ka ndjekur një politikë të popullzimit të theksuar etno-nacionalist, gjë që ka ngritur shumë dyshime. Është koha për ta ndryshuar. Serbia tashmë e ka shtyrë, por do të duhet ta zgjidhë – çështjen e pronësisë mbi kompanitë energjetike kur të vërtetohet se nuk ka rusë që paraqiten si serbë, thekson Janjiç.
Situata me qëndrimin e Bosnjës dhe Hercegovinës ndaj idesë së “Ballkanit të Hapur” është veçanërisht “paradoksale”, thekson Janjiç, “sepse Serbia e promovon këtë ide dhe Republika Srpska e “minon” brenda BeH”.
“Kur politika serbe përmes Milorad Dodik bllokoi përfshirjen në “Ballkanin e Hapur”, më tej nxiti kritikat ndaj Vuçiç-it, sepse ai është një nga promotorët e idesë”.
“Efektet e një bashkëpunimi të tillë të mundshëm janë të mëdha, sepse është një treg që ka gjithsej 18 milionë banorë, është një treg më i madh se ai individual. Ky treg pa taksa tashmë po funksionon me shumë efikasitet mes Shqipërisë, Maqedonisë dhe Serbisë”, shtoi ai.
