Emigrantët shqiptarë po kthehen për të votuar. Brenda 24 orëve të fundit në Shqipëri janë futur mbi 14 mijë shqiptarë, të cilët kanë ardhur nga vende të ndryshme të botës. Referuar balkanweb, prej burimeve nga Ministria e Brendshme bëjnë me dije se deri në orën 18:00 të ditës së djeshme nga pikat kufitare janë futur në Shqipëri 14 412 shtetas shqiptarë. Ka arsye që të mendohet se ky fluks është shkaktuar për shkak se sot shqiptarët votojnë për përfaqësuesit e tyre në pushtetin vendor. Kjo, pasi nëse bëjmë një krahasim të shqiptarëve që janë futur në kufirin shqiptar ditët e mëparshme, fluksi pothuajse është dyfishuar.
Janë rreth 14 mijë vetë që hyjnë në kufi për 24 orët e fundit
