50 069 vende të lira pune janë deklaruar nga sipërmarrjet gjatë periudhës janar-shtator në zyrat e punës. Lajmin e ka bërë të ditur ministri i Financave dhe Ekonomisë, Arben Ahmetaj, sipas të cilit çdo vend i lirë pune i deklaruar është një mundësi më shumë për çdo punëkërkues të papunë dhe çdo anëtar familje në ndihmë ekonomike.

Ndërkohë, ka shtuar se përafrimi i kërkesën në treg me profilet e punëkërkuesve mbetet edhe sfida kryesore e zyrave të punës në çdo qark të vendit.

“Në janar-shtator nga sipërmarrjet në të gjithë vendin u deklaruan 50,069 vende të lira pune. Sfida jonë, e zyrave të punës në çdo qark, është te përafrojmë kërkesën në treg me profilet e punëkërkuesve dhe përmes një reforme të thellë rikualifikimesh, të ndihmojmë çdo punëkërkues të bëhet i pabesueshëm”, shkruan Ahmetaj në profilin e tij në rrjetin social ‘Facebook.’

Sipas statistikave të publikuara nga ministri, vetëm për muajin shtator janë regjistruar 6 292 vende të lira në zyrat e punës, ku qarku i Tiranës kryeson edhe listën me numrin më të lartë të vendeve të lira.

Vendet e lira sipas qarqeve: Janar Shtator 2019 Shtator 2018

Berat 1689 vende të lira 188 vende të lira

Dibër 800 vende të lira 101 vende të lira

Durrës 6527 vende të lira 514 vende të lira

Elbasan 6587 vende të lira 781 vende të lira

Fier 4713 vende të lira 272 vende të lira

Gjirokastër 970 vende të lira 125 vende të lira

Korçë 2 734 vende të lira 275 vende të lira

Kukës 777 vende të lira 175 vende të lira

Lezhë 838 vende të lira 208 vende të lira

Shkodër 4040 vende të lira 286 vende të lira

Tiranë 15 997 vende të lira 3094 vende të lira