Teksa Operatori i Shpërndarjes se Energjisë (OSHEE) e ka rritur eficiencën e grumbullimit te të ardhurave, abonentët me faturim konsumi zero rezultojnë të jenë rritur në raport me kohën kur kompania ceke CEZ, sapo kishte lënë administrimin në OSHEE.
Sipas të dhënave të Entit Rregullator të Energjisë, faturat me vlerë zero arritën në 279,284 në fund të muajit gusht, duke zënë 23.3 % të totalit te numrit të faturave të lëshuara. Në muajin prill të vitit 2013 numri i faturave me konsum zero ishte 242.502, vetëm katër muaj pasi CEZ ishte larguar nga Shqipëria.
Të kontaktuara nga Monitor, burimet zyrtare të OSHEE nuk kanë komentuar mbi shifrat e Entit Rregullator të Energjisë për faturimet zero, por kane argumentuar së shumica e këtyre faturave u përkasin shtëpive të dyta dhe të treta ose shtëpive të”braktisura”, që kane kontratë energjie po nuk konsumojnë.
Nga 279,284 fatura me vlerë zero, 228,305 prej tyre i përkasin konsumatorëve familjarë, 47,475 i përkasin bizneseve, 2726 janë institucione buxhetore që faturohen me zero dhe 679 jobuxhetorë që trajtohen me zero faturë.
Që nga prilli i vitit 3013 numri i faturave me konsum zero është rritur me 15 %.
Shpërndarja e numrit të faturave me konsum zero sipas grupimeve./Monitor
