Në takimet që zëvendëspresidenti amerikan, Mike Pence, ka pasur në Bruksel, me krerët e Bashkimit Evropian, është përmendur edhe Ballkani Perëndimor, shkruan Koha Ditore.
Këtë e ka lënë të kuptohet presidenti i Komisionit Evropian, Jean Claude Juncker, i cili i ka thënë një grupi të gazetarëve në Bruksel se për vendet e Ballkanit Perëndimor nuk është mirë që “disa persona në Administratën amerikane”, siç është shprehur ai, lënë përshtypje se janë kundër Bashkimit Evropian.
Një gjë e tillë, është shprehur Juncker, nuk është mirë, sepse atyre vendeve u nevojitet perspektiva evropiane. (b.an)
