Politikanët britanike kanë lavdëruar deputetin konservator të Uellsit, Jamie Wallis, për guximin e tij pasi pranoi se është transgjinor dhe se ka qenë viktimë e përdhunimit dhe shantazhit.
37-vjeçari, i cili është bërë deputeti i pari trasgjinor në Britaninë e Madhe, pasi fitoi mandatin në zgjedhjet e përgjithshme të vitit 2019, tha se ai ishte “ndjerë kështu që kur ishte fëmijë” por mendonte se do të largohej nga politika shumë përpara se ta thoshte këtë gjë me zë të lartë.
Ai tha se kishte pasur një “telefonatë” në vitin 2020, ku dikush e kishte shantazhuar dhe më pas i kishte dërguar babait dhe familjes së tij një fotografi ku shfaqej ai. Sipas deputetit, personi në fjalë donte 50,000 paund në këmbim për të heshtur.
Deputeti tha se autori pranoi fajin dhe u dënua me dy vjet e nëntë muaj burg për shantazh.
Po ashtu, ai rrëfeu edhe për marrëdhnien që nisi me dikë që e njohu në internet. Por që raporti me të u përkeqësua dhe mori një kthesë tjetër, pasi ra viktimë e përdhunimi.
/a.r
