Pas takimit që pati me banorët e zonës së ish-Kënetës në Durrës, një nga më të prekurat e tërmetit, Presidenti Ilir Meta deklaroi se kishte ankesa për disa mungesa themelore, për të cilat premtoi zgjidhje brenda 2-3 orësh.
I pyetur se si do të ndikojë kreu i shtetit, Meta tha se, “Unë jam Presidenti i Republikës do të kontribuojë që të mos mungojë asgjë. Mendoj se është çështje e organizimit që ka nevojë të përmirësohet”.
Kreu i shtetit tha se është një tragjedi që e cila nuk është përjetuar prej shumë kohësh dhe mund të ketë edhe pak konfuzion, teksa tha se brenda 2-3 orësh ashtu siç dhe premtoi, të gjithë kërkesat që ata kanë do të përmirësohen.
“Sot nuk jemi për të bërë analizë por për të nxjerrë personat që janë nën rrënoja. Po bëhet gjithçka nga ekipet më të mira të Italisë, Greqisë, dhe vendeve të tjera bashkë me forcat tona, më pas është koha për analiza”, deklaroi kreu i shtetit.
Për një numër më të saktë të viktimave ai tha se mund të merren zyrtarisht nga Ministria e Mbrojtjes si institucioni përgjegjës zyrtar.
g.kosovari
