Detaje të reja janë mësuar nga vrasja e 38-vjeçarit Bledar Birçajt mesditën e djeshme në Vlorë, ku është zbardhur edhe dëshmia e personit që ishte në makinë me viktimën.
Report Tv mëson se shoqëruesi ka deklaruar se ka parë disa persona të maskuar të cilët nuk i ka njohur, ndërkohë që ka shtuar se ishte shumë i tronditur nga ajo që ndodhi.
‘Ishim të papërgatitur, na bënë pritë. Ramë direkt pre e breshërisë së kallashnikovit. Pashë dy veta me maska, por nuk i njoha dot. Ishin të kamufluar. Nuk jam në dijeni të ndonjë konflikti të fundit. Jam i tronditur, mendova se më kapën edhe mua plumbat.’- mësohet të ketë thënë shoqëruesi i Bledar Birçajt.
Policia ka shoqëruar më shumë se 15 persona të cilët janë marrë në pyetje që prej ditës së djeshme.
Në vendin e ngjarjes u gjetën mbi 30 gëzhoja. Makina autorëve mund të jetë strehuar edhe ndonjë garazh pasi nuk ka asnjë gjurmë deri tani./shqiptarja.com
g.kosovari
