Kryeministri Edi Rama u ndal edhe tek familja e tij. Në fund të video-konferencës për masat e parandalimit të përhapjes masive të COVID-19, Rama tha se edhe ai ka një familje që kërkon ta mbrojë.
“Jam bir i një nëne. Familjen time e dua pafund, do të bëj çmos që ti mbroj, ata dhe ata të tjerët që dua pafund ti përqafoj, por s’dua të jem unë shkaku që të sëmuren apo qe permes meje te percjellin virusin qe te behet nj problem shumë i madh. Tek ky postim shkruani të gjitha pyetjet për veprimtarinë e perimetrit Tiranë-Durrës që do të jenë shtet-rrethim i plotë për një armik që nuk e shohim“, Rama.
Kreu i qeverisë gjatë komunikimit me qytetarët këshilloi që të mos dalin nga shtëpia dhe të mbrojnë më të moshuarit.
“Kam besim dhe kini besim: nuk kemi në dorë ta vrasim armikun e padukshëm që na rrotullohet të gjithëve, duke kërkuar pengje në shtëpitë tona, po kemi në dorë ta lodhim derisa ta mundim duke ndihmuar njëri-tjetrin dhe me ndihmën e zotit, të diellit e të rritjes së temperaturave!
Përveç vetëdijësimit sa më të shpejtë, kufizimit sa më drastik të lëvizjeve të përditshme, respektimit të këshillave të autoriteteve shëndetësore dhe solidaritetit kombëtar, duke u bërë njësh shtet/qytetarë, asgjë tjetër s’na duhet dhe asgjë tjetër s’na ndihmon dot.
Besim motra e vëllezër besim, ne do ta mundim koronën dhe do të dalim më të fortë nga kjo luftë, siç dolëm nga goditja e tmerrshme e tërmetit!” tha Rama.
g.kosovari
