Kur i kanë mbetur edhe pak ditë deri në përfundim të mandatit të saj, presidentja e Kosovës, Atifete Jahjaga po qëndron në Shtetët e Bashkuara të Amerikës.
Atje ka zhvilluar një intervistë me Zërin e Amerikës, që ndër shumë çështje të tjera e ka pyetur Jahjagën edhe për planet e saj pasi që ta lë postin, dhe për atë nëse gjatë mandatit të saj pesë vjeçar I ka mbetur peng.
“Gjithmonë është bilanci se çfarë mund të kishe bërë më shumë dhe çfarë ke dashur të bësh më shumë për një fushë që me të vërtetë ka nevojë që t’i kushtohet një përqëndrim i veçantë dhe është zhvillimi ekonomik, tërheqja e investimeve të huaja dhe krijimi i vendeve të punës dhe hapja e perspektivës për 60% të popullatës së Kosovës që është rinia e vendit.
Kjo mbetet e vetmja brengë e imja. Duhet të punohet më intensivisht, por këto kanë qënë kompetencat e Presidentit”, ka thënë më tej Jahjaga.
