Histori nga më të ndryshmet të dhunës në familje raportohen në polici nga personat e dëmtuar. Përmasat e dhunës në fmailje po zgjerohen përditë e më shumë, aq sa kjo vepër penale është ndër më të shumtat që gjykohen në shkallët e drjetësisë.
Një grua nga Vora dhunohej sistematikisht nga burri i saj, i cili madje e ka rrahur edhe kur bashkëshortja ishte e sëmurë. Shtetasi Y.G. u arrëstua në kushtet e flagrancës nga policia, pasi i bënte presion psikologjik gruas edhe në ambjentet e komisariatit, ku ajo kishte shkuar për të denoncuar dhunën e tij.
Historia e dhunës në familjen nga Vora, me të dëmtuar shtetasen R.G. arriti kulmin në 4 nëntor të vitit të shkuar kur çifti ishin në banesën e tyre.
Gruaja R.G. nuk ndihej mirë nga ana shndetësore dhe qëndronte në shtrat. Bashkëshorti jo vetëm që nuk i erdhi në ndihmë, por i kërkoi të punojë tokën pranë banesës. Pasi gruaja e kundërshtoi se nuk ndihej mirë, ai nisi ta godasë me grushte e shkelma në të gjithë trupin. Burri mori një enë kuzhine dhe e godiste gruan në shpinë, derisa ena u thye sipas materialeve të prokurorisë.
Pas kësaj ngjarjeje, gruaja u detyrua të shkojë në komisariat, por kur burri u thirr për të dëshmuar, aii’u drejtua gruas me fjalët “çfarë bën këtu, ik në shtëpi se do të vras”.
Shtetasi Y.G. filloi të fyente dhe kundërshtonte edhe punonjësit e policisë, të cilët më pas bënë arrestimn e tij në flagrancë. Ky shtetas u dënua nga Gjykata e Tiranës me 8 muaj burg për “dhunë në familje” dhe “kundërshtim të punonjësit të policisë”./Javanews/a.m.
