Detaje të reja kanë dalë rreth arrestimit të Vladimir Gjutës. Sipas policisë, 26 – vjeçari Indrit Ademi ka qënë i pari që ka hyrë në tunel dhe është ndaluar në dalje të tij. Më ai i ka dërguar një mesazh Gjutës, me të cilin e njoftonte se rruga ishte e lirë.
Sapo Vladimir Gjuta ka hyrë në tunel janë fikur dritat dhe është njoftuar për një defekt në tunel. Ky ka qënë momenti kur kanë ndërhyrë forcat RENEA, duke arrestuar Gjutën dhe shoferin e tij, Blerim Thaçi, me origjinë nga Kosova.
Në dëshminë në polici, Gjuta ka thënë se Thaçin e ka marrë në makinë pasi i ka bërë shenjë për auto – stop. Blerim Thaçi mësohet të mos këtë folur deri në këto momente.
Pritet që Prokuroria për Krimet e Rënda të verifikojë komunikimet telefonike të Gjutës e Thaçit, për të vërtetuar pretendimet e ngritura. Vladimir Gjuta u arrestua të enjten, pasi ishte mbajtur nën vezhgim për disa orë me radhë.
