Shumica e konsumatorëve nuk e njohin njeriun e veshur mirë, duke ecur nëpër “Tuts Bakery and Cafe” të Kalifornisë, duke mbledhur gota të përdorura dhe enët e palara.Ata hyjnë në lokal dhe porosisin çaj, mëngjes tradicional turk.
Në drekë, ndoshta sanduiç me suxhuk ose qofte turke, kështu e nis shkrimin gazeta New York Times.Fasulet – kjo është ajo që konsumonte Hakan Sukur gjersa shpjegoi se si arriti këtu. Dhe nga këtu, ai nuk po i referohet vetëm kësaj kafene luksoze, apo Palo Alto, apo edhe Amerikës.
Por këtu. Në këtë situatë, të mërguar nga shtëpia dhe të “fshehur” në pamje të thjeshtë.
Sukur, 46 vjeç, është një nga futbollistët më të famshëm të Turqisë, hero i Kupës së Botës dhe një lojtar i disa ligave më të mëdha të Evropës. Ai hyri në politikë dhe u zgjodh deputet në Parlamentin e Turqisë, si anëtar i partisë së AKP-së së Erdoganit.
“Më thanë të luajë lojën e tyre dhe do të arrin gjithçka në jetë, por unë nuk pranova. E dorëzova mandatin prej deputetit dhe tani jam këtu”, shprehet turku për gazetarët e NYT.
Çdo gjë shkonte mbarë për Sukurin dhe familjen deri në ditën kur presidenti Recep Tayyip Erdogan vendosi të rrisë pushtetin duke e shpallur armik Imamin Fetullah Gylen dhe mbështetësit e tij.“Mund të isha bërë edhe ministër nëse do t’iu nënshtrohesha urdhrave të tyre, por nuk mund të isha i padrejtë”, vijon ai.
“Po përpiqem të ndërtoj jetën time këtu dhe po punoj të ngre një akademi futbolli. Ndoshta një ditë mund të kthehem në vendin tim. Pas errësirës vjen drita për popullin tim”, shtoi ai.
Edhe pse ishte hero i turqve, Sukur është shpallur terrorist nga Erdogani.Ai është një ndër personat me fat pasi ndryshe nga dhjetëra mijëra të tjerë nuk është në burg.“Krahas 70 mijë burrave, 17 mijë gra ndodhen në burgjet e Turqisë në këto momente. Nga këta, 770 janë bebe që kanë hyrë në biruca me nënat e tyre”, vijon shkrimi.Ai njihet për golin më të shpejtë në histori të Kampionateve Botërore, pasi kundër Koresë së Jugut shënoi pas 10.8 sekondave.
Theksojmë se prokurorët e Sakaryas e akuzuan atë për anëtarësim në një grup terrorist të armatosur, pasi Turqia tani kështu e njeh organizatën e Fethullah Gulen.Sukuri kishte një shans të heqë dorë nga Gyleni dhe të siguronte lirinë dhe sigurinë e tij, por nuk e pranoi këtë.
Babai i Sukurit, Selmeti, u prangos në një xhami në Adapazar. Ata e akuzuan për mbështetje financiare të ‘grusht shtetit’ dhe pasuritë e familjes u konfiskuan, përgatiti ”Telegrafi”. (b.an)
