Ja si e thërret Sinani bashkëshorten
Çifti i sapomartuar, Andrra dhe Sinan Hoxha, pas dasmës po shijojnë muajin e mjaltit në bregdetin jugor të vendit tonë. Gjatë kësaj kohe ka përkuar edhe data e ditëlindjes së këngëtarit. Siç mund të merret me mend, bashkëshortja e ka surprizuar e para. Ajo kishte porositur për Sinanin një tortë të thjeshtë dhe ajo çfarë bie në sy është shënimi “Sinan, edhe 100 vjeç. Nga Anda.” Mesa duket, ky është emri që këngëtari e thërret me përkëdheli bashkëshorten e tij.
Ata duken shumë të lumtur me njëri-tjetrin dhe këtë gjë e kanë përcjellë nëpërmjet fotos së postuar në “Facebook”, ku krahas tortës shihet edhe një dhuratë që mund t’ia ketë dhuruar Andrra ose jo. Çdo gjë duket në rregull, por ajo që bie në sy janë komentet e fansave ku midis urimeve të shumta, veçohet një koment i tillë “O Sinan, i paskeni harxhuar të gjitha paratë për helikopter dhe nuk ju paskan mbetur as për gota si duket, por vetëm për gota plastike. Por hej, mos u bë merak, se paratë shkojnë e vijnë. Shpresoj të kesh pasur një ditëlindje të mirë. Urime.”
