ot është dita kur në të gjithë botën festohet lindja e Një fëmije. E vërtetë apo jo, gëzimi i kësaj historie mbledh bashkë familjet, lumturon fëmijët, shëron zemrat e lënduara dhe shpërndan mirësinë mes njerëzve.
Por sot është një ditë e mirë për të festuar dhe lindjen e një fëmije tjetër, që nuk u festua kur duhej. Një foshnje që mbase nuk do të dijë kurrë kur, ku dhe kush e lindi por do të kujtoj gjithmonë kush e shpëtoi.
Kjo është Ermela e vogël, emër që i vendosen mjeket e maternitetit “Koço Gliozheni”. Ajo ende nuk ka mbushur 40 ditë nga ardhja në jetë. Foshnja u braktis me 2 dhjetor, pak ditë pasi ishte lindur, në një kontenier plehrash në zonën e Yzberisht në Tiranë. Të qarat e saj ndalën një kalimtar. Ai lajëmroi policinë dhe me urgjencën e Tiranës e trasnportuan në maternitetin “Koço Gliozheni”.
Për tre javë në luftë me vdekjen, ajo u mbështoll nga dashuria prindërore e çdo mjeku, infermierje, nëne të re. Edhe sot në Krishtlindje në shërbimin prenatal të këtij maternitetit mjekët u kujdesën për veshjen, lodrat, ledhatimet dhe ninullat.
Ermela është veshur me të kuqe, është Krishtlindja e saj e parë.
Pas spitalit, Ermela do të shkoj në shtëpinë e femijës. Historia e saj ka prekur 9 familje në kryeqytet të cilët nuk kanë mundur të gëzojnë nga lindja e një fëmije. Ata janë treguar të gatshëm të birësojnë, por fillimisht Ermela duhet të dilte nga reanacioni.
Fal përkushtimit dhe profesionalitetit të mjekëve në këtë maternitet, Ermela është shëruar plotësisht dhe do të largohet nga spitali brenda pak ditëve. (OraNews)
