Ndoshta nuk e kemi menduar asnjëherë që shkretëtira e Saharasë mund të mbillet me bimë dhe perime. Por kjo është ëndrra e një projekti ambicioz që synon të gjelbërojë shkretëtirën më të madhe me rërë në botë.
Projekti i Pyllit Sahara (SFP) do të ndërtojë një “fermë” 30 milion dollarëshe që shtrihet mbi 10 hektarë tokë në Tunizi, në një përpjekje për të ndryshuar mjedisin dhe për të sjellë vende pune, ushqim dhe ujë të pijshëm për zonën.
“Po përpiqemi të arrijmë një sukses të trefishtë. Diçka që ka kuptim financiar, por që sjell edhe përfitime shoqërore dhe mjedisore”, thotë Joakim Hauge, drejtor i përgjithshëm i kompanisë.
