Kompania prestigjioze gjermane Mercedes, javën e kaluar në panairin e veturave në Neë York ka promovuar zyrtarisht modelin GLC Coupe, por disa njoftime pohojn se kjo kompani gjermane është duke menduar edhe për versionin Cabrio për këtë model, duke u bazuar në Range Rover Evoque.
Inxhinieri kryesor për GLC, CLS dhe E-Class, Michael Keltz, ka thënë se ai personalisht është një fans i Range Rover Evoque Cabrio, dhe se projekti GLC Cabrio mund të jetë i mundur duke pasur parasysh popullaritetin në rritje të modeleve SUV me çati të konvertueshme, transmeton Koha.net.
Gjithashtu, Keltz ka shtuar se kjo do të ishte kënaqësi dhe se në fakt nuk do të përbënte një sfidë të madhe inxhinierike.
Megjithatë, momentalisht nuk ka vend për këtë lloj modeli në kompani dhe nëse GLC Cabrio merr dritën jeshile, atëherë një tjetër model do të duhet të hiqet nga loja.
Gjithashtu, një dizajner i pavarur tashmë e ka bërë një pamje të mundshme, të cilën mund ta shihni në fotografinë e mësipërme, të GLC-së në version Cabrio i cili për shkak të çatisë së konvertueshme ka humbur një palë dyer.
