Michael Jackson ishte një ndër muzikantët më të mirë të të gjitha kohërave, por nëse ka një gjë më të famshme se muzika e tij, do të kishte qenë padyshim dashuria për operacionet plastike.
Ai i hyri asaj rruge me një ndërhyrje të thjeshtë në hundë. Por pas 100 procedurash, përfundoi duke u përpjekur të rikuperonte dëmet nga këto operacione.
Këngëtari shpenzoi 30 vite duke u përpjekur të arrinte perfeksionin, por u kthye në një nga shembujt më të këqinj të ndërhyrjeve kirurgjikale, citohet Zëri.
Në dokumentarin 10 Fytyrat e Michael Jackson, zbulohet se muzikanti i është nënshtruar botox-it, mbushjeve, implanteve në faqe, zbardhjes së lëkurës e ndërhyrje në buzë, raporton Daily Mail.
Megjithatë zbulimi më i madh i programit ishte imazhi se si do të dukej ylli i pop nëse nuk do të kishte bërë asnjë operacion plastik. (b.an)
