Shumë persona që janë pajisur me certifikata, të cilat ua njohin statusin e invalidit të luftës vazhdojnë të mos gëzojnë pensionin e paraparë me ligj.
Kjo, meqë Qeveria ende nuk e ka formuar Komisionin mjekësor, i cili do të përcaktonte shkallën e invaliditetit për ushtarë dhe civilë të plagosur gjatë luftës, shkruan Koha Ditore.
Mosthemelimin e këtij komisioni Ministria e Punës dhe Mirëqenies Sociale (MPMS) e arsyeton me mospërpilimin e listës finale për këtë kategori, si dhe për kategorinë e veteranëve të luftës.
Megjithatë, vonesat prej gati dy vjet po konsiderohen të padrejta nga ana e përfaqësuesve të Shoqatës së Invalidëve të UÇK-së.
Sekretari i kësaj shoqate, Enver Krasniqi, zvarritjen e këtij procesi e quan të qëllimshëm nga ana e Qeverisë së Kosovës. (b.an)
