Policia prej disa javësh ka filluar që të vendosë gjoba për personat që dalin në rrugë pa maska. Gjithashtu vlen të theksohet që prej muajsh lokalet që kanë muzikë pas orës 20:00 në ambientet e tyre gjobiten me nga 1 milion lekë masë administrative.
Ndërsa prej disa ditësh gjobiten edhe personat që dalin në rrugë pas orës 22:00 pa ndonjë arsye të domosdoshme.
Kjo është edhe masa administrative që ka më pak të ndëshkuar, deri më tani janë më pak se 50 persona.
Në total deri më tani bëhet me dije se janë gjobitur mbi 21 mijë qytetarë për masa administrative të ndryshme sa i përket pandemisë Covid-19.
