Çmimet për Apple iPhone 6s Plus do të fillojnë nga 299 dollarë për versionin me 16GB, ndërsa versionet me 64GB dhe 128GB hapësirë do të shiten për 399 dollarë dhe 499 dollarë, respektivisht. Këto çmime janë me kontratën dyvjeçare tek AT&T, Verizon, T-Mobile ose Sprint në SHBA.
Ndërsa pa kontratë, çmimet për iPhone 6s Plus janë 749 dollarë, 849 dollarë dhe 949 dollarë për modelet me 16GB, 64GB dhe 128GB hapësirë të brendshme.
Çmimet në tregun evropian fillojnë nga 849 euro (619 paundë në Britani) për versionin bazë me 16GB hapësirë, 959 euro ose 699 paundë për versionin me 64GB hapësirë, ndërsa versioni me 128GB do të kushtojë 1069 euro ose 789 paundë.
Apple prezantoi gjithashtu programin e ri të quajtur iPhone Upgrade. Ai ju lejon të merrni një iPhone të ri çdo vit tek dyqanet me pakicë të Apple-it duke paguar vetëm 32 dolllarë në muaj. Në këtë program përfshihet edhe Apple Care+ për ta rregulluar pajisjen falas në ndonjë rast dëmtimi.
Porositjet për këtë telefon do të nisin më 12 shtator, ndërsa do të hidhet në treg më 25 shtator.
