Ja sa do të jetë pagesa për banesat sociale
Këshilli Bashkiak do t’i hapë “dritën jeshile” qytetarëve në nevojë të cilët përfitojnë banesë sociale me qira, që të futen në apartamentet e ndërtuara për ta.
Këshilli do të mblidhet ditën e enjte në orën 11:00, për të miratuar listën e përfituesve të parë me 242 familje, dhe më pas do të ketë edhe një listë tjetër për pjesën e mbetur të apartamenteve, pasi në zonën e Shkozës janë ndërtuar në total 385 apartamente të hapsirave të ndryshme. Më në fund, pas zvarritjes së këtij procesi prej më shumë se 4 vitesh, familjeve në nevojë po u ofrohet një strehëz kundrejt një kosotje
minimale në krahasim me çmimet e tregut.
Pagesa varion nga 3920 lekë për garsoniere deri në 18.620 lekë për apartament 3+1. Po ashtu, në mbledhjen e parë zyrtare të Këshillit Bashkiak do të diskutohet projekt vendimi për “ Një shtesë dhe ndryshim në vendimin e Këshillit Bashkiak të Tiranës nr.28, datë 23.12.2014, “Për miratimin e Programit Buxhetor Afatmesëm 20152017 dhe detajimin e Buxhetit të Bashkisë së Tiranës për vitin 2015”(i ndryshuar), në zbatim të reformës së re administrative territoriale”.
Pjesë e diskutimeve do të jetë edhe një projektvendim për disa ndryshime në vendimin aktual të sistemit të taksave dhe tarifave vendore në kryeqytet. Këshilli Bashkiak i Tiranës, protet të miratojë edhe projektvendimin për “Miratimi i dhënies së ndihmës ekonomike dhe pagesës për Personat me Aftësi të Kufizuar dhe Invalidët e Punës për periudhën 131 Korrik 2015.
