Zbardhen raportet qe Keshilli i Mandateve dhe Rregullores i ka derguar Parlamentit te Shqiperise lidhur me kerkese ne prokurorise per dheninen e autorizimit per arrestimin e deputetit Saimir Tahiri, kontrollin personal dhe te baneses se tij.
Sipas mazhorancës, “në materialin prej më pak se 5 faqe, por edhe gjatë sqarimeve të dhëna në mbledhjet e Këshillit, organ i akuzës nuk mundi të argumentojë përfshirjen e deputetit Tahiri në veprimtari kundërligjshmërie, dhe nuk paraqiti asnjë indicie, fillim provë apo provë që të krijonte bindjen tonë se ka dyshime të arsyeshme dhe të bazuara për të autorizuar vijimin e procedurave për masën ekstreme të arrestit ndaj deputeti Tahiri”.
Sipas deputetëve të mazhorancës, Këshilli nuk mund të shqyrtojë provat dhe faktet, gjë që i takon Gjykatës, duke shtuar se Kuvendi nuk mund të cënojë ndarjen e pushteteve.
Ndersa në raportin e plotë prej 22 faqësh, Partia Demokratike dhe LSI paraqesin argumente se pse Kuvendi duhet të pranojë kërkesën e prokurorisë për hetimin dhe arrestimin e deputetit Saimir Tahiri.
Pas shqyrtimit të akteve dhe diskutimit të çështjes, thuhet në draftin që do të kërkohet të votohet të mërkurën, anëtarë të Këshillit për Imunitetin, konkluduan se Seanca Plenare e Kuvendit, duhet t’i rekomandohet miratimi i dhënies së autorizimit për “Arrestimin ose heqjen e lirisë, si dhe për të ushtruar kontroll personal dhe të banesave të deputetit Saimir Tahiri.
“4 vjet kishin zhvilluar qetesisht trafikun ndërkombëtar të drogës, për bisedat midis familjarëve Habilaj dhe anëtarëve të grupit të strukturuar kriminal, që dëshmonin për kontakte të shpeshta me deputetin Saimir Tahiri dhe për lidhje të ngushta me të, gjer tek dhënia e dhuratave dhe e shpërblimeve të paligjshme, për vehtën, familajrët dhe partinë politike të tij që t’i përdorte për zgjedhje, si pasojë e krijimit prej tij të mbështetjes dhe lehtësimit për trafikimin ndërkombëtar të narkotikëve.
Po ashtu në raportin e PD- LSI thuhet se: Vllezërit Habilaj dhe bashkëpunëtorët e tyre kanë patur lidhje të ngushta me deputetin Saimir Tahiri dhe duke përfituar nga këto lidhje të ngushta dhe përmes shpërblimeve, kanë arritur të bëjnë të mundur, krijimin e kushteve për kultivimin në sasi të konsiderueshme të lëndës narkotike në Shqipëri, transportimin e tyre në mënyrë të organizuar me destinacion jashtë shtetit, me skafe, peshkarexha dhe automjete, nder te tjera makina Audi me targe AA003GB.
Gjithashtu opozita shprehet se Deputeti Saimir Tahiri ka siguruar paprekshmërinë e grupit të strukturuar kriminal.
a.ç
Raporti i mazhorances:
