Nëse doni të keni gjithmonë një raport të mirë në çift, momenti më i mirë për “shpërthimin” e afshit dashuror është padyshim fundjava. Ndaj, ju parashtrojmë disa këshilla të thjeshta, të cilat ju ndihmojnë të keni një marrëdhënie, si në fillimet tuaja.
1- Planifikoni tërë ditën, siç keni bërë në fillim të lidhjes
Dita juaj e pushimit duhet të përfshijë mëngjesin e vonuar në krevat apo një piknik të vogël në park. Kjo nuk është e thënë të jetë diça luksoze, as e shtrenjtë. Shikimi i filmave të cilët bashkë i keni shikuar në fillim të lidhjes mund të jetë gjë e thjeshtë, por edhe aktivitet romantik.
2- Përgatituni për të bërë seks
Shumica e partnerëve planifikojnë ngjarje të shumta në jetë (pushime, kremtime ditëlindjesh, festa…) shumë më hollësisht dhe me shumë angazhim. E po seksi a nuk meriton një përgatitje të tillë?
3- Premtoni vetes që nuk do ta refuzoni më partnerin tuaj
Filloni ta trajtoni partnerin tuaj ashtu siç silleni ndaj miqve – kushtoni interes të sinqertë për jetën e tij dhe tregoni atë që ju ndodh në jetën tuaj. Aq shumë ngjarje ndodhin gjatë ditës, ndaj mos i mbani detajet interesante dhe ndodhitë vetëm për miqtë tuaj, por ndani edhe me partnerin.
4- Bisedoni, por vetëm për gjëra reale!
Tregoni partnerit se çka ju bën të lumtur, dhe për çka ndiheni e dashuruar dhe e dëshiruar. Shmangni frazat e përgjithshme si p.sh. “bëhu më romantik”. Nëse me këtë mendoni “dëshiroj të më mbash për dore kur jemi jashtë shtëpisë”.
5- Përqafojeni partnerin kur ktheheni nga puna
Partneri juaj mbase kurrë nuk ju ka thënë që kënaqet kur e përqafoni kur ktheheni nga puna në shtëpi. Tani është rasti që të përmirësohet kjo gjë. Dëgjojeni me kujdes dhe bëjeni atë që kërkon nga ju./lajmi.net/
